herria bizi dadin

06ko uztaileko aldizkaria - sar hitza
ÉTAT DES LIEUX : LE BOURG quartier sinistré ?
Purgu: larre utzi auzoa?

Ce n’est pas une réaction de jalousie par rapport aux autres quartiers. C’est le constat d’un état des lieux, un constat de tristesse. Tristesse d’un quartier abandonné à son sort. Commencez la visite en rentrant côté Kanbo : état de la chaussée lamentable, bas-côtés laissés à l’abandon, aucun embellissement, sites d’accueil des containers à poubelle sans aucun arrangement, mur écroulé depuis plusieurs années près de la poste… et pour couronner le tout la fuite de la plupart des activités qui lui apportaient un peu de vie : médecin, cabinet d’assurances, coiffeuse, podologue, pizzeria et peut-être même la poste. Que vont plaider nos leaders de la mairie : responsables mais non coupables ou irresponsables ?

Balio du Purguko karrika nagusian eta bazterretakoetan itzuli bat egitea ikusteko zer itxura duen auzo hunek : larre utzi auzo bat.

Sar gaiten Kanboko aldetik. Lehen lehenik, ezker aldean zimentazko erdi uzkaili aulki bat sasi eta belar zikinez inguratua. Nor jar hor ?

Autoen bidea ? Gudrona zahar harraildu zilokatu bat.

Bide bazterra ? Hala hala, belar basari utziak, deus antolakuntzarik gabe.
Barnexago, bipera saltzen duen etxaldearen sarreraren ondoan, zikin biltzeko untzi metatuak, deus garbitasunik gabe, deus gordegailurik gabe, batian goraxago, bertzian beheraxago biderat jautsiak, artetan (ez bada ardura) zikinez inguratuak lurrean bertan. Balio du konparaketa bat egitea Heraitzeko bidea hartzean auzapezaren eta obretaz arduratzen den axuantaren etxeen ondoan den bide inguruko zikin biltzeko untzien gunearekin ! Hau baratze panpiña !

Hor berean, eskuin, lehenbiziko plaza ttipi bat. Apaindua, hobekuntza zerbait eman aitzin hobe luke beharbada lehenik gudrona leun pixka bat. Karioegi ditake, ezen harri kixkor beltz lerrakariez estalia dago.

Zer erran Jatsuko bidekurutzeko plaza ttipiaz ? Hor ere auzapez edo axuant bat ondoan bizi izan balitz segur hobekixago antolatua litaikela !

Segi dezagun karrika nagusitik. Eskuinetik badira, Errobiri buruz, herriarenak diren bide tarte batzuk, denborarekin auzoek zerrailura batekin hetsiak. Herriko Etxeak aipatzen du horien berriz idekitzea bainan bertze Purguko bazterren gisan artatzekotz zer balio du ?
Horra nun heltzen giren Posta eta Antza gazteluko bi plaza ttipietarat. Hor ere ez xerka edertasun edo hobetasunik ez duzue deus aurkituko. Ahatik, untsa agerian, bide bazterrian, elgarri koskaka, gordegailurik gabe, bizpahiru zikin untzi. Heien gibelean murru zahar bat, urteak eta urteak aurtikia dagona xingola xuri gorri batez markatua ...
Geldi gaiten hortan ! Baditaike oraino erraiteko. Bakotxak ikus dezake zertan den Purgu : larre !

Larre hori ez balitz aski larre Purguko bizia ere badoa. Emeki emeki , purta purta, odol hustea bezala. Horko lan iturri bizi emaileak badoazi ixil ixila bat bertzearen ondotik, Herriko Etxean nehor kezkatu gabe, izaitekotz aldaketa hutskor horiek lagunduz. Ez ote direa auzapezaren taldearen asmaketen ondorioak : posta Purgutik atera, Purgutik atera bertze hauek bezala, mediku bat, asurantza bulegoa, ile apaintzaile, pizza saltzailea, oinen artatzaile ... Zer geldituko da Purgun ? Purgu larre, basamortu eta larre !

>> galeria

Herria Bizi Dadin - Altzabea, Hiribehere - 64480 UZTARITZE
hbd@herriabizidadin.org